Контакты

8-41143-41-501
ukdrmaya2015@mail.ru

678070 Республика Саха (Якутия) Мегино-Кангаласский улус, с.Майя ул.Героя Попова,35
Открыть контакты

Президент России В.В.Путин
Президент РС(Я) Е.А.Борисов
Мегино-Кангаласский улус
Госуслуги
Многофункциональный центр
Дети Азии
Социальные сети

Вам нравится наш сайт?

Рассылка новостей

Всего подписчиков: 0
Республиканский комитет
ПРОФСОЮЗА РАБОТНИКОВ КУЛЬТУРЫ РС(Я)
Министерство культуры РФ
Федерация профсоюзов РС(Я)
РОСРЕЕСТР
Федеральная служба гос регистрации, кадастра и картографии
:: ::

Новости

Тыыннаах музыка 80-90 нус сылларга күннүү сылдьыбыта. Ама ким билбэтий “Чолбон”, “Сэргэ”, “Хардыы”, “Ай-тал” бөлөхтөрү. ВИА муодата эмиэ да сүтэ сыһан баран кэнники сылларга эмиэ күөрэс гынна. Биһиги улууспутугар хас да нэһилиэккэ ВИА-лар тэриллэннэр тигинэччи үлэлии сылдьаллар. Ол курдук Майаҕа, Төҥүлүгэ, Чүүйэҕэ, Хараҕа, Бүтэйдээххэ, Ороссолуодаҕа, Томторго, Тиэлигигэ, Төхтүргэ. Сорохтор урут түмсэ сылдьан баран ыһыллыбыттарын хаттаан сөргүтэн түмстүлэр. Тыыннаах музыка интэриэһэ күүһүрэн иһэр. Чуолаан ыччат ортотугар.

Тыыннаах музыка – бу саамай уустук уонна тыыннаахтыы толоруу, дьиҥ куолаһынан ыллааһын буолар. Манна ордук хос тыас-уус туттуллубат. Инструменнар тыастара бэйэ бэйэлэригэр дьүөрэлэһэн, ансаамбылынан толоруу (дух коллективизма) тэтимэ, бэйэ-бэйэни ситэрсии. Итиэннэ тыыннаах доҕуһуол сүрүн оруола- толоруу маастарыстыбатыгар сытар.

Мантан сиэттэрэн Харатааҕы “Айыллаан” культура киинин көҕүлээһининэн «Сайыҥҥы тэтим» диэн тыыннаах бөлөхтөр ортолоругар фестиваль буолан ааста. Манна Ороссолуодаттан улахн дьон, оҕолор, Майатааҕы музыкальнай оскуола коллектива, Бүтэйдээхтэн оҕолор, Хара нэһилиэгиттэн улахан дьон уонна 2 оҕолор бөлөхтөрө кытыннылар. Итилэртэн ураты тыыннаах доҕуһуолу тута өйдүүр, музыканы сатаан истэр уопуттаах дьон Павловскайтан, Хорообуттан, Төҥүлүттэн кэлэн түмсэн «Хомуур» диэн саҥа бөлөҕү сүрэхтээн тута кытыннылар. Онон барыта 8 коллектив буолан илин-кэлин түһүстүлэр. Балаһыанньа быһыытынан оҕолортон 1-3 ырыа, улахан дьоҥҥо – 3-5 ырыа ирдэнэр.

Сарсыардаттан “Айыллаан” культура киинигэр үгэс быһыытынан кыттааччылары, кэлбит ыалдьыттары сиэр-туом тутуһан арчылаан, арыылаах алаадьынан көрүстүлэр. Конкурснай үлэ 12 ч. сҕаланна.

Дьүүллүүр сүбэ састаабыгар председателинэн “Сэргэ” бөлөх төрүттээччитэ, “Ый суола” бөлөх тэрийээччитэ Анатолий Босиков үлэлээтэ. Киниэхэ культура уонна духуобунай сайдыы управлениетын начальнига Сергей Холмогоров, “Дьүрүлгэн” мелодистар түмсүүлэрин салайааччыта Иван Аргунов, “Хардыы” бөлөх гитариһа Петр Осипов көмөлөстүлэр.

Эбиэттэн киэһэ бу тэрээһиҥҥэ анаммыт төгүрүк остуолу музыкальнай оскуола үлэһитэ Дмитрий Санников салайан ыытта. Манна улууска бастакы тэриллибит киэҥ сэҥээриини ылбыт, тыыннаах музыка ырытааччыларын интэриэһин тарпыт “Сэргэ”, “Хардыы” бөлөхтөр тустарынан сырдаттылар. Эдэр бөлөхтөргө туһаайыллыбыт инники сайдыыларыгар санаа, уопут атастаһыыта буолла. Культура салайааччыта Холмогоров С.М. Харалары улууска бастакы фестивалы саҕалаабыттарынан эҕэрдэлээтэ. Инникитин үгэскэ кубулутан салгыы хайдах ыытыахха сөбүн туһунан санаатын үллэһиннэ. “Хардыы” бөлөх төрүттээччитэ Гаврил Колесов билиҥҥи оҕо чөл олоҕу тутуһарын уонна оҕо иллэҥ кэмигэр тыыннаах доҕуһуолунан дьарыктаналлара кэрэхсэбиллээҕин, куһаҕан дьаллыктан дьалты хаамалларыгар төһүү күүс буоларын бэлиэтээтэ.

Киэҥник биллэр мелодист Иван Аргунов нэһилиэк баһылыга Д.И.Назарова культура саҥа сонун бырайыактарын өйүүрүгэр, төһүү күүс буоларыгар махталын биллэрдэ. Анатолий Босиков-Босс оҕолору улуус, республика таһымнаах конкурстарга актыыбынайдык кытталларын ситиһиэххэ, өйүөххэ наада диэн эттэ. Төгүрүк остуол кыттыылаахтара бастакы тэрээһин табыллыбытын, инникитин өссө кэҥээн, сайдан иһэллэригэр баҕардылар. Эһиилги конкурс саас, кулун тутар ыйга Хараҕа ыытыллара былааннанна.

Түмүк маннык буолла. Саамай үрдүк наҕараада Гран при хаһаайынынан – Харатааҕы «Айыллаан” бөлөх (сал.Т.Ю.Степанова, И.Ф.Николаев), 1 степеннээх диплом – Майатааҕы музыкальнай оскуола (сал.Д.С.Санников), 2 степеннээх диплом “Хомуур” бөлөх, 3 степеннээх диплом Ороссолуодаттан “Силиги” (сал. Нь.Е.Попов) буоллулар. Оҕолорго 1 степеннээх диплом – Бүтэйдээхтэн «Дохсун” (сал. В.К.Бурнашев), – 2 степеннээх диплом Ороссолуодаттан “Сулус” (Нь.Е.Попов), 3 степеннээх диплом - Хараттан 11 кылаас үөрэнээччилэрин “Сардаҥалар” бөлөхтөрө (сал. (Т.Ю.Степанова, И.Ф.Николаев) буоллулар.

“Бастыҥ бас гитара” Дима Сивцев (Ороссолуода), “Бастыҥ барабаҥҥа охсооччу”- Бүтэйдээх 8 кыл. үөрэнээччитэ Илья Бурнашев, “Бастыҥ вокал” – Хараттан 11 кыл. үөрэнээччитэ Лена Григорьева , “Бастыҥ солист” – Хараттан 5 кыл. үөрэнээччитэ Денис Григорьев номинациялар хаһаайыннарынан буоллулар.

“Бастыҥ салайааччы” – Ороссолуодаттан Ньургустан Попов, “Көрөөччүлэр биһирэбиллэрэ” - «Хомуур” бөлөх ааттаннылар. Кыттааччылар культура управлениета, Хара нэһилиэгэ, Майатааҕы балыыһа, Харалар меценатттара Попов А.А., Мооруктан Егорова М.Д. “Айыллаан” сынньалаҥ киинэ, “Айыллаан” бөлөх.олохтообут бириистэрин туттулар.

                                                                                                                                  Эмма Павлова



Вернуться в раздел Новости

Общение на сайте
Дом народного творчества им.Д.Ф.Ходулова МО Майя.. Александр 12 апреля 2016, 09:38 // Структура ДНТ им.Д.Ф.Ходулова - Григорьев Спиридон Спиридонович

Утуе кунунэн! Театр толору аатын ыытыан дуо?.. Сергей Шарин 12 апреля 2016, 05:14 // Структура ДНТ им.Д.Ф.Ходулова - Григорьев Спиридон Спиридонович

того кыратык суруйбаккыт? .. диана 16 января 2016, 07:15 // История театра - Майа5а I-кы колхуоһунай тыйаатыр.

Нет не можем знать .. Александр 28 апреля 2015, 07:00 // Фотоальбом - Дойду ахтылҕана Күөрэгэй

Добрый день! Убедительно прошу сообщить годы жизни Соловьева Ивана Герасимовича. Есть ли.. Ефросиния 26 апреля 2015, 02:29 // Фотоальбом - Дойду ахтылҕана Күөрэгэй

Посмотреть все
Icon_feed
Облако меток
Трехмерному облаку меток необходим flash. Установить? Get Adobe Flash player
Посетители
Волонтеры-70
Музыка и культура
Музыка и культура
Музыка для всех
Музыка для всех
Независимая оценка услуг
КИНОЗАЛ "ДОЛООН"