Контакты

8-41143-41-501
ukdrmaya2015@mail.ru

678070 Республика Саха (Якутия) Мегино-Кангаласский улус, с.Майя ул.Героя Попова,35
Открыть контакты

Президент России В.В.Путин
Президент РС(Я) Е.А.Борисов
Мегино-Кангаласский улус
Госуслуги
Многофункциональный центр
Дети Азии
Социальные сети

Вам нравится наш сайт?

Рассылка новостей

Всего подписчиков: 0
Республиканский комитет
ПРОФСОЮЗА РАБОТНИКОВ КУЛЬТУРЫ РС(Я)
Министерство культуры РФ
Федерация профсоюзов РС(Я)
РОСРЕЕСТР
Федеральная служба гос регистрации, кадастра и картографии
:: ::

Новости

(А.Дмитриев – Чумэчи кэриэһигэр ырыа конкурса)

Ымыы ыраас ырыатынан

Кулгааххын сатаан сымнат,

Үрүччэ нарын тылынан

Сүрэххин сатаан сылаанньыт.

 

Айылҕа тыла барыта –

Араай аптаах музыката.

Хайдах да тэпсиҥ, алдьатыҥ –

Син биир ыллыа күн ырыатын.

Бу хоһоон тыллара, нарын ырыалары айан хаалларбыт Александр Дмитриевка анаммыт курдуктар. Александр Интернович хомойуох иһин олус кылгас олоҕу олорон ааста. Ырыалара ситэ ылламматылар. Кини бу күн сириттэн барбыта 3-с сылыгар барда. Бэйэтин кэмигэр В.Ноев бирииһин, улуус уонна Дьокуускай-90 ырыа конкурстарын, уус-уран самодеятельность Бүтүн Союзтааҕы II көрүү лауреаттарынан буолбута. Киэҥник биллибит “Бастакы тапталбар”, норуокка биллибитинэн “Хагдарыйбыт ньургуһунум” бэйэтин хоһоонугар ырыатын 1979 с. суруйбута. Бу ырыаны 80-90-нус сылларга киэн туттар ырыаһыттарбыт Еремей Гоголев, Сардаана Осипова үрдүк сценаттан ыллаабыттара, иэйиилээх ырыаны дьон-сэргэ тута сөбүлээн уостан түһэрбэт ырыаларыгар кубулуйбута. Чүмэчи 1988 с. Саха телевидениетын биэриитигэр 5 ырыатын ыллаабыта. Драматург С.Ермолаев-Сиэн Өкөр “Эйиэхэ сибэкки биэрээри” диэн пьесатыгар Чүмэчи ырыалара толороллубуттара, Уус-Аллдан улууһун Уһун күөлүгэр Эллэй Иванов режиссердаах киинэ уһуллубута. Александр Дмитриев 1991 с. Саха сирин мелодистарын ассоциациятын тутаах киһитэ этэ.

Ырыаҕа ылламмыт, хоһооҥҥо хоһуллубут, республикаҕа суон сурахтаммыт культура, искусство деятеллэрин, артыыстары, суруйааччылары бэлэхтээбит - Моорук нэһилиэгин кыыһын сөбүлээн, манна олохсуйан, иккис дойду оҥостубута. Суола үрэх барахсан ыраас уутугар чомполонон, кини уйгу-быйаҥ буоруттан, алгыстаах сириттэн-уотуттан үтүөкэн үлэһит дьоннор үүнэн-сайдан тахсыбыттара. Кинилэр кэккэлэрин буойун поэт Степан Тимофеев, СР народнай суруйааччыта Рафаэль Баҕатаайыскай, поэт, прозаик Иннокентий Сосин, Николай Апросимов, Константин Сосин, саха театрын СР үтүөлээх артыыстара Евдокия Скрябина-Айыы Умсуур, Василий Апросимов, Маргарита Тихонова, драматург Семен Ермолаев-Сиэн Өкөр, фольклористар Афанасий Порядин, Аполлон Апросимов, мелодистар СР культуратын үтүөлээх үлэһитэ Тамара Апросимова, Иван Аргунов итиэннэ Александр Дмитриев-Чүмэчи ааттара хаҥаталлар.

Александр Дмитриев-Чүмэчи уостан түспэт ырыаларын манна олорон айбыта, ыллаабыта, көмүс чыычаахтарын төрөппүтэ, көмүс уҥуоҕа Моорукка хараллыбыта. Онон биһиги, Мэҥэ-Хаҥаластар бэйэбит мелодиспыт быһыытынан ылынабыт, билинэбит. Чүмэчи сырдык аатын 3 улуус ситимниир. Күн сирин көрдөрбүт төрөөбүт Кэбээйитин улууһа, үөрэммит, бастаан олох киэҥ аартыгар үктэннэрбит, Советскай Армия кэккэтигэр ыҥырыллан барбыт Уус-Алданын улууһа уонна ис сүрэҕиттэн сөбүлээн иккис дойду оҥостубут, олоҕун бүтэһик күнүгэр диэри олорбут Мэҥэ-Хаҥалас улууһа. Мантан ситимнээн талааннаах мелодист Александр Дмитриев аатын үйэтитэр сыаллаах Мэҥэ-Хаҥалас улууһун культураҕа уонна духуобунай сайдыыга салалтата уонна Чүмэчи кыыһа, Моорук культурнай киинин директора Марфа Егорова көҕүлээһиннэринэн үс улууһунан ырыа конкурсун тэрийиэххэ диэн саҥа бырайыак толкуйдаабыппыт. Киэҥ кэпсэтии ыытыллыбыта. Уус-Алдантан, Дьокуускайтан кэлбит ыалдьыттар өйөөбүттэрэ. Онон бастакы ырыа түһүлгэтэ былырыын Моорукка бэрт сэргэхтик ыытыллыбыта. Онтон бу күннэргэ Уус-Алдан улууһун Александр Дмитриев оҕо сааһа ааспыт Баатаҕайын нэһилиэгэр “Умай, умай Чүмэчи!” диэн аатынан иккис ырыа конкурса ыытылынна. Биһиги улуустан 11 киһи кытынна. Конкурска Чурапчыттан, Мэҥэ-Хаҥаластан, Уус-Алдантан барыта 30 киһи кыттыыны ылла. Дьүүллүүр сүбэ председатилинэн СР культуратын үтүөлээх үлэһитэ, артыыһа Сергей Попов үлэлээтэ. Киниэхэ СР культуратын үтүөлээх үлэһитэ Өксөкүлээх Өлөксөй аатынан норуоттар доҕордоһууларын норуот айымньытын отделын салайааччыта Саргылана Адамова, бу киин специалиһа Любовь Шишигина, республикатааҕы ырыа айааччылар союзтарын салайааччытын солбуйааччы, мелодист, ырыаһыт Степан Васильев уонна А.Дмитриев-Чүмэчи кыыһа, Моорук культурнай киинин директора Марфа Егорова көмөлөстүлэр. Гран при хаһаайынынан Уус-Алдан ырыаһыта, Мүрү нэһилиэгиттэн Саргылана Константинова буолла уонна 30 тыһ. миэбэл маҕаһыынын сертификатын тутта. 1 степеннээх лауреатынан уонна А-Дмитриев-Чүмэчи аймахтара олохтообут ноутбук бирииһи Уус-Алдан Баатаҕайыттан Иван Карпов тутта. Манна быһааран эттэххэ Иван Карпов Чүмэчи сиэн быраата буолар. Биһиги иһиттэхпитинэ үүт-маас убайын Чүмэчи курдук дьүрүһүтэр куоластаах эдэр ырыаһыт, чахчы да үчүгэйдик ыллаата. 2 степеннээх лауреат Мэҥэ-Хаҥаластан Владимир Кузьмин, 3 степеннээх лауреат Мооруктан Галина Сосина буоллулар. Дипломаннарынан, 1 степеннээх Мэҥэ-Хаҥаластан Иван Аргунов, 2 степеннээх Хараттан Татьяна Степанова, 3 степеннээх Уус-Алдан Баатаҕайыттан Сахая Белолюбская буоллулар. Үйэлээх “Хагдарыйбат ньургуһун” ырыаны бастыҥ толорооччунан Уус-Алдан Баатаҕайыттан Марфа Готовцева, “Көрөөччүлэр биһирэбиллэрэ” Уус-Алдан Майаҕаһыттан Константин Иванов, “Алтан кыл” – гитаранан бастыҥ толоруу Майаттан Дмитрий Санников, “Көтөр көмүс дорҕооннор” – бастыҥ ансаамбыл Хара “Айыллаан” тыыннаах музыка (ВИА), “Таптал – ырыа ымыыта” – тапталы туойар иэйиилээх ырыа иһин Чурапчыттан Марианна Макарова, “Туойар тойон” – 70 сааһын ааспыт, билигин да культура эйгэтигэр худуоһунньугунан үлэлиир Михаил Бурцев, “Бастыҥ баянынан доҕуһуол” – биллэр мелодист, Уус-Алдан мелодистарын түмсүүлэрин салайааччыта Василий Петухов буоллулар. Конкурсаннар Мэҥэ-Хаҥалас улууһун культураҕа уонна духуобунай сайдыыга управлениета, Моорук нэһилиэгэ, Уус-Алдан, Кэбээйи улуустарын культураҕа управлениелара, Баатаҕай нэһилиэгэ олохтообут, А-Дмитриев-Чүмэчи бииргэ үөрэммиттэрин ааттарыттан сыаналаах бириистэрин туттулар.

Ырыа дьоро киэһэтин бочуоттаах ыалдьыттарынан суруналыыс, Чүмэчи биир дойдулааҕа Иван Ушницкай, Александр Дмитриев – Чүмэчи игирэтэ Кэбээйи улууһун Сангаарыттан кэлбит Светлана Васильева уонна Кэбээйи улууһун культураҕа управлениетын начальнига Иннокентий Левин буоллулар. Иннокентий Львович эһиил маннык тэрээһин, ырыа конкурса Кэбээйи улууһугар ыытылларынан эстафетаны чиэстээхтик тутта. Конкурсу көрсө А-Дмитриев-Чүмэчи ноталаах ырыанньыгын таһаарарга бары көмөлөөн үлэни ыытар туһунан сорук турда. Манна даҕатан эттэххэ Александр Дмитриев игирэтэ Светлана Интерновна сурукка түспэтэх саҥа ырыаларын үйэтитэр үлэни саҕалаабытын билиһиннэрдэ, онон Эһиил Кэбээйигэ буолар конкурска бу былааны олоххо киллэрэр баҕа санаалаах тарҕастыбыт. Уус-Алданнар тэрээһини кыайа туттулар, кыттааччылар, көрөөччүлэр астынан, бэйэ бэйэлэриттэн уопут атастаһан, репертуары хаҥатыыга былаан ылынан тэрийээччилэргэ махтанан тарҕастылар.

                                                                                                                                                                                                Эмма Павлова





Вернуться в раздел Новости

Общение на сайте
Дом народного творчества им.Д.Ф.Ходулова МО Майя.. Александр 12 апреля 2016, 09:38 // Структура ДНТ им.Д.Ф.Ходулова - Григорьев Спиридон Спиридонович

Утуе кунунэн! Театр толору аатын ыытыан дуо?.. Сергей Шарин 12 апреля 2016, 05:14 // Структура ДНТ им.Д.Ф.Ходулова - Григорьев Спиридон Спиридонович

того кыратык суруйбаккыт? .. диана 16 января 2016, 07:15 // История театра - Майа5а I-кы колхуоһунай тыйаатыр.

Нет не можем знать .. Александр 28 апреля 2015, 07:00 // Фотоальбом - Дойду ахтылҕана Күөрэгэй

Добрый день! Убедительно прошу сообщить годы жизни Соловьева Ивана Герасимовича. Есть ли.. Ефросиния 26 апреля 2015, 02:29 // Фотоальбом - Дойду ахтылҕана Күөрэгэй

Посмотреть все
Icon_feed
Облако меток
Трехмерному облаку меток необходим flash. Установить? Get Adobe Flash player
Посетители
Волонтеры-70
Музыка и культура
Музыка и культура
Музыка для всех
Музыка для всех
Независимая оценка услуг
КИНОЗАЛ "ДОЛООН"