Контакты

8-41143-41-501
ukdrmaya2015@mail.ru

678070 Республика Саха (Якутия) Мегино-Кангаласский улус, с.Майя ул.Героя Попова,35
Открыть контакты

Президент России В.В.Путин
Президент РС(Я) Е.А.Борисов
Мегино-Кангаласский улус
Госуслуги
Многофункциональный центр
Дети Азии
Социальные сети

Вам нравится наш сайт?

Рассылка новостей

Всего подписчиков: 0
Республиканский комитет
ПРОФСОЮЗА РАБОТНИКОВ КУЛЬТУРЫ РС(Я)
Министерство культуры РФ
Федерация профсоюзов РС(Я)
РОСРЕЕСТР
Федеральная служба гос регистрации, кадастра и картографии
:: ::

Об управлении

Оройуоҥҥа культура салалтата тэриллибитэ 65 сыла

Мэҥэ-Хаҥалас улууһун культурата республикаҕа туспа суоллаах-иистээх. Манна куорсун анньынан үгүс культура, искусство деятеллэрэ үүнэн тахсыбыттара. Биһиги улууспут республикаҕа саамай элбэх культура тэрилтэлэрдээҕинэн, үлэһиттэрдээҕинэн биллэр. Ол курдук 31 муниципальнай тэриллиилэргэ  34 культурнай-сынньалаҥ кииннэрэ, 33 библиотека, 8 музей уонна 4 музыкальнай оскуола тэрилтэ быһыытынан үлэлии-хамсыы олороллор. Мэҥэ-Хаҥалас культурата республикаҕа айар-тутар үлэтинэн, элбэх колективтааҕынан биһирэнэр. Киэн туттан туран ааттыыбыт народнай коллективтары:

  1. Майатааҕы ССРС народнай артыыһын Д.Ходулов аатынан народнай театр – режиссер А.Скрябина
  2. “Кыталык” үҥкүү народнай ансаамбыла - РФ үтүөлээх коллектива - салайааччы РФ, СР культуратын үтүөлээх үлэһитэ В.П.Винокуров
  3. Майатааҕы народнай хор – салайааччы СР культуратын үтүөлээх үлэһитэ Н.Н.Васильева
  4. “Көөчөөн көрө” мини народнай театр - салайааччы СР культуратын үтүөлээх үлэһитэ А.М.Новиков
  5. Народнай инструменнар оркестрдара – салайааччы В.Е.Захаров

     6.Эдэр көрөөччүлэр театрдара – салайааччы  Г. Стручкова

  1. Төҥүлүтээҕи народнай хор – салайааччы СР культуратын үтүөлээх үлэһитэ Г.И.Варламова
  2. Табаҕатааҕы “Төлөн” эр дьон народнай ансаамбыла – салайааччы СР культуратын үтүөлээх үлэһитэ П.П.Егоров
  3. Төҥүлүтээҕи “Алгыс” ветеран үҥкүүһүттэрин народнай ансаамбыла – салайааччы СР культуратын туйгуна М.А.Борисова
  4. “Ый суола” тыыннаах музыка бөлөҕө – салайааччы СР культуратын туйгуна А.Босиков
  5. Төхтүрдээҕи “Манчаары” оҕо үҥкүү народнай коллектива – салайааччы СР культуратын туйгуна Е.П.Винокурова
  6. А-Бэстээхтээҕи “Сыккыс” народнай театр – режиссер М.С. Владимирова

Оройуоннааҕы Сэбиэт иһинэн 1948 с. аан бастаан культурнай-сырдатар отдел тэриллибит. Отдел салайааччытынан М.П.Романова анаммыт.Ол кэмнэргэ оройуоннаҕы культура (РДК) дьиэтин директорынан И.М.Неустроев үлэлээбит. Ити сылларга М.А.Гоголев тэрийиитинэн 6 киһилээх агитационнай культурнай биригээдэ  үлэтин саҕалаабыт. (АКБ)

1951 с. РДК уус-уран салайааччытынан билигин уос номоҕор кэпсэнэр дэгэрэҥ ырыа аҕата Киристэпиэр Максимов үлэлээбит.

1952 сылтан отдел сэбиэдиссэйинэн А.М.Борисова үлэлээбит. РДК уус-уран салайааччытынан самодеятельнай композитор, элбэх ырыа аватора, биир дойдулаахпыт А.Л.Попов таһаарыылаахтык үлэлээбитэ.

1954 сылтан культура отделын салайааччытынан А.В.Стручков анаммыт. Мэҥэ-Хаҥалас райкомун 1 секретара В.К.Степанов көҕүлээһининэн,  Бүтүн Россиятааҕы ыччат фестивалын көрсө 1956 сыллаахха  үтүө үгэскэ кубулуйбут культура уонна спорт эстафетата 3 бөлөҕүнэн айана  саҕаламмыта.

1957 сылтан отдел салайааччытынан С.С.Аржаков үлэлээбит, кини Майаҕа музыкальнай оскуола  аһыллыытыгар быһаччы үлэлэспит, музыкальнай оскуола сайдыытыгар улахан өҥөлөөх  киһинэн биллэр. Бу сыл “Эйэ, дьол иһин!” диэн Аан дойдутааҕы ыччат фестивалыгар Москва куоракка  Саха сириттэн бастыҥ ыччаттар ахсааннарыгар биһиги оройуонтан  Алексей Попов уонна Христофор Максимов кыттыыны ылбыттар.

1959 сылтан отдел салайааччытынан И.И.Брызгалов үлэлээбит. Кини чуолаан отдел инспекторын талааннаах тэрийээччи Н.М.Дмитриевтыын саха төрүт үҥкүүлэрэ саҥа тыыны ылынан сайдалларыгар, саҥа коллективтар тэриллэллэригэр кылааттарын киллэрбиттэрэ.

1960-нус сылларга культурнай-сырдатар училище выпускниктара араас хайысхаҕа ананан кэлэннэр, улуус саҥа эрчимнээх эдэр кадрдарынан хааччыллыбыта.

1963 с. илин эҥэр улуустары барыларын хабар  тыа хаһаайыстыбатын управлениета тэриллибитэ. Онон ити сылларга илин эҥэр улуустар культураларын отдела тэриллибит. Онно салайааччынан Н.П.Сидоров үлэлээбит.

1965 с. бу дьаһал тохтоон, культура отдела төттөрү оройуон таһымнаах буолбут. Бу сыл 3-с республикатааҕы ыччат фестивалыгар Мэҥэ-Хаҥаластар ситиһиилээхтик кыттан Сергей Борогонскай “Мэҥэлэр – хайа үрдүгэр!” диэн этиитэ күүскэ туттуллан барбыта. Ити бэргэн этиигэ лауреат үрдүк аатын сүгэн укулааты уурбут дьоннорунан А.Зыков, А.Варламова, В.Ноев, Я.Романов, Е.Оконешников уо.д.а. буолаллар. Бу сыл саха аатырбыт мелодиһа Валерий Ноев РДК-ҕа баяниһынан үлэлии кэлбит. РДК директорынан М.Д.Петрова үлэлээбит.

1966-67 сс. отдел сэбиэдиссэйинэн В.И.Лукин үлэлээбит. Бу сыл Октябрьскай революция 50 сылын көрсө самодеятельнай искусство көрүүтүгэр Москва куоракка Бүтүн Россиятааҕы культура I съеһигэр биир дойдулаахпыт Тамара Апросимова Булуҥ оройуонугар үлэлии сылдьан кыттыыны ылбыт.

1967 с. отдел сэбиэдиссэйинэн Н.Ф.Петров үлэлээбит.

1968 с. Майатааҕы театр “Народнай” ааты сүкпүт. Бу сыл улууска биир үтүө түгэнинэн Мэҥэ-Хаҥалас улууһа көмүстээх Алдан куораты кытары “Сиэрпэ уонна Өтүйэ” доҕордоһуу укулаата ууруллубута буолар. Комсомол 50 сылынан эдэр ыччат фестивалыгар Анастасия Варламова, Агафий Федоров, Яков Романов, Николай Фадеев, Альберт Неустроев салайааччылаах үҥкүү коллектива ситиһиилээхтик кыттыбыттар. 

1970 с. культура отделын салайааччытынан анал үөрэхтээх, Улан-Удэтааҕы культура институтун выпускнига Д.Д.Тихонов анаммыт. Кини культура салаатыгар балачча өр кэмҥэ таһаарыылаахтык үлэлээбит. 1970-1980-нус сыллар Мэҥэ-Хаҥалас улууһун культуратын фундамена ууруллубут, сайдыы суолугар бигэтик үктэммит бэлиэ сылларынан буолаллар. Ол курдук бу сылларга анал үөрэҕи бүтэрбит, идэлэрин баһылаабыт айар үлэһиттэр, саҥа кадрдар маассабайдык кэлэн үлэ-хамнас  былааннаахтык тэриллибит. 1972 с. Саха сирин литературатын уонна искусствотын күннэригэр Москваҕа, Башкирияҕа ыытыллан,  ССРС төрүттэммитэ 50 сылыгар анаан I республиканскай фольклор фестивала, “Искусство- норуокка ананар” диэн девизтээх фестивальга Мэҥэ-Хаҥаластан 105 киһилээх делегация кыттыбыта. Маннык көрүүлэр оройуон талааннаах дьоннорун үүннэрбитэ. Чабырҕахсыттар Иван, Николай Ефимовтар, ырыаһыттар Яков Романов, Николай Фадеев, Дмитрий Тихонов, Валерий Ноев куоластара Москваҕа иһиллибиттэрэ.

Күн бүгүн РФ, СР культуратын үтүөлээх үлэһиттэрэ, РФ үтүөлээх коллектива “Кыталык” народнай ансаамбыл салайааччыта В.П.Винокуров, Майатааҕы народнай хор салайааччыта Н.Н.Васильева, “Көөчөөн көрө” мини народнай театр салайааччыта А.М.Новиков, Төҥүлүтээҕи народнай хор салайааччыта Г.И.Варламова, “Төлөн” эр дьон народнай ансаамбыл салайааччыта П.П.Егоров, музыкальнай оскуола иһинэн народнай оркестры төрүттэспит З.Е.Степанова, культураны өр кэмҥэ салайбыт Т.И.Спиридонова, музыкальнай оскуола преподавателэ, оҕолору искусство кэрэ эйгэтигэр сыһыаран аан дойдуга бастыҥар ахсааннарыгар киирэллэригэр өҥөлөөх С.Н.Маркова, А-Бэстээх сынньалаҥ киинин директора, режиссер идэлээх Т.Р.Афанасьева уо.д.а. билигин да айымньылаах үлэ үөһүгэр сылдьаллар. Кинилэри кытары музыкальнай искусство сайдарыгар кылааттарын киллэрбит, хор, музыкальнай инструменнар оркестрдарын улууска бастаан тэрийбит, улууспут культуратыгар, спордугар сайдыы бастакы олуктарын уурсубут билигин биһиги кэккэбитигэр суох музыкальнай оскуола директорынан таһаарыылаахтык үлэлээбит  В.В. Степановы уонна кини олоҕун аргыһынан буолбут Л.А.Степанованы бэлиэтээн ааһар тоҕоостоох.

1977-80 сс. кулууптары уонна библиотекалары кииннээһин тэриллибит.

1977 с. Василий Винокуров көҕүлээһининэн күн бүгүн улуус визитнай карточкатынан буолбут “Кыталык” ансаамбыл  тэриллибитэ.

1986 сылтан культура отделын салайааччытынан Т.И.Спиридонова анаммыта. Тамара Иннокентьевна культура тэрилтэлэрэ материальнай-техническай  базалара бөҕөргүүрүгэр болҕомто уурбута. Аан дойдутааҕы ыччаттар уонна студеннар XII фестивалларыгар “Кыталык” үҥкүү ансаамбыла Москваҕа тиийэн ситиһиилээхтик кыттыбыта.

1987 с. культура отдела кэҥээн, үлэ үчүгэй түмүгү көрдөрөн оройуоҥҥа культура управлениета  тэриллибитэ. Управление начальнигынан бу боппуруоска ыкса үлэлэспит Т.И.Спиридонова анаммыта. Бу кэмнэргэ РДК директорынан режиссер идэлээх В.П.Терешкина  үлэлээбитэ.

1988 с. культура управлениетын иһинэн тыа кулууптарын кытары ыкса үлэлэһэр  тэрийэр-методическай киин тэриллэн үлэтин саҕалаабыта. Бу отдел сэбиэдиссэйинэн С.Е.Колосова анаммыта. АКБ методиһынан М.П.Скрябина үлэлээбитэ. Союз үдүнэн уларыта тутуу сыллара саҕаламмыттара. Оройуоҥҥа национальнай концепция бырайыага киирэн дьону сахалыы сиэргэ-майгыга, фольклору үөрэтиигэ былааннаах үлэ саҕаламмыта. 1990 с. Дьокуускай куоракка аан-бастаан Мэҥэ-Хаҥалас күннэрэ ыытыллыбыттара. Барыта 300 киһи кыттыыны ылбыт.

1992 с. культура управлениетын начальнигынан В.П.Винокуров үлэлээбитэ.

1995 с. управление начальнигынан Д.С.Санников анаммыта.

1998-2003 сс. начальнигынан Т.И.Спиридонова айымньылаахтык үлэлээбитэ. Бу кэмнэргэ Дьокуускайга Мэҥэ-Хаҥаластан төрүттээх биир дойдулаахтарбыт күүс-көмө, сүбэ-соргу буолаары “Дойду ситимэ” түмсүү тэриллибитэ. Улуус культурата сайдыытыгар  анал программалары ылыныыга күүстээх үлэ барбыта.

2003-2009 сс. бэйэни салайыныы усулуобуйатыгар көһүү кэмнэригэр управление начальнигынан А.Н.Мартынов үлэлээбитэ.

2009-2012 сс. – улуустааҕы культура уонна духуобунай сайдыы управлениетын начальнигынан Культура уонна искусство колледжын, Илин Сибиирдээҕи культура институтун, Уһук илиннээҕи государственнай сулууспа Академиятын выпускнига З.Н.Никитин анаммыта.

2012 сылтан күн бүгүн культура уонна духуобунай сайдыы управлениетын салайааччытынан С.М.Холмогоров үлэлии олорор.




Сотрудники

Общение на сайте
бугун последний день все уже.. Александр 21 ноября 2016, 08:45 // МЭҤЭ КИИНЭ - Положение кинофестваля "Мэҥэ-Киинэ"

Здравствуйте я вот не до 20 го ноября отправить, мне только надо сделать монтаж, а до.. Александр 20 ноября 2016, 17:04 // МЭҤЭ КИИНЭ - Положение кинофестваля "Мэҥэ-Киинэ"

Здравствуйте я вот не до 20 го ноября отправить, мне только надо сделать монтаж, а до.. Александр 20 ноября 2016, 17:04 // МЭҤЭ КИИНЭ - Положение кинофестваля "Мэҥэ-Киинэ"

Дом народного творчества им.Д.Ф.Ходулова МО Майя.. Александр 12 апреля 2016, 09:38 // Структура ДНТ им.Д.Ф.Ходулова - Григорьев Спиридон Спиридонович

Утуе кунунэн! Театр толору аатын ыытыан дуо?.. Сергей Шарин 12 апреля 2016, 05:14 // Структура ДНТ им.Д.Ф.Ходулова - Григорьев Спиридон Спиридонович

Посмотреть все
Icon_feed
Облако меток
Трехмерному облаку меток необходим flash. Установить? Get Adobe Flash player
Посетители
Волонтеры-70
Музыка и культура
Музыка и культура
Музыка для всех
Музыка для всех
Независимая оценка услуг
КИНОЗАЛ "ДОЛООН"